Bu ilin səkkiz ayında Sumqayıtda yol hərəkəti qaydalarının pozulması ilə bağlı 58 min 62 inzibati protokol tərtib edilib.
Daxili İşlər Nazirliyindən (DİN) "Report"a verilən məlumata görə, bunlardan 156-nı avtomobili sərxoş vəziyyətdə, 102-ni narkotiklərin təsiri altında idarə edən, 199-nu piyadalara yol verməyən, 11-ni avtoxuliqanlıq edən, 5 003-nü nişanlama xəttinin tələblərini pozaraq sola və geriyə dönmə qaydalarını pozan sürücülər təşkil edib.
Həmçinin, ilin əvvəlindən yol hərəkəti qaydalarını pozan 303 piyada barəsində protokol tərtib edilib.