"Əlimdən gələnin ən yaxşını edəcəyəm ki, 4 il sonra artıq Vətənə qızıl medalla qayıdım".
Lim10.az xəbər verir ki, bunu Paris-2024 Paralimpiya Oyunlarının iştirak edən Azərbaycan millisinin taekvondoçusu Sabir Zeynalov (58 kq) Heydər Əliyev Beynəlxalq Aeroportunda qarşılanma mərasimində deyib.
"İndiki əsas hədəfim də çempionluq idi. Lakin bəzi səhvlərimə görə bu alınmadı. Düzdür, məyus oldum. Amma səhvlərdən dərs çıxarmaq lazımdır. Bütün bunların hamısı həm də bir təcrübədir".
Qeyd edək ki, Azərbaycanın parataekvondo millisi Paralimpiya Oyunlarını bir qızıl və bir bürünc medalla başa vurub.
