ABŞ Maliyyə Nazirliyi "Rossiya Seqodnya" media qrupuna və onun baş direktoru Dmitri Kiselyova, həmçinin "TV-Novosti" və "Yevraziya" QHT-yə qarşı sanksiyalar tətbiq edib.
Lim10.az xəbər verir ki, bu barədə idarədən verilən yazılı məlumatda bildirilir.
Həmçinin, "Yevraziya" QHT-nin direktoru Nelli Parutenkoya da məhdudiyyətlər qoyulub.
Qeyd olunur ki, sanksiyalar xaricdə Rusiyanın sabitliyini pozan hərəkətləri ilə əlaqədar iki fiziki və üç hüquqi şəxsə qarşı yönəlib. ABŞ iddia edir ki, bu şəxslər Afrika, Avropa, Şimali və Cənubi Amerika daxil olmaqla, kiber imkanlardan istifadə edərək gizli məlumat və psixoloji əməliyyatlar həyata keçirirlər. ABŞ tərəfi hesab edir ki, bu media orqanları ABŞ-nin onlara aid etdiyi fəaliyyəti Rusiyanın ali rəhbərliyi ilə sıx əlaqələndirirlər.
Departamentin dərc etdiyi ümumi lisenziyada qeyd olunub ki, "Rossiya Seqodnya" və "TV-Novosti" media qrupları ilə əməliyyatlara ABŞ-nin Şərq sahili vaxtı ilə 13 noyabr 2024-cü il saat 00:01-dək (Bakı vaxtı ilə 09:01) qədər icazə verilir. Rusiya Maliyyə Nazirliyi, həmçinin əvvəllər qadağan edilmiş Rusiyanın iştirakı ilə telekommunikasiyaların alınması və ya ötürülməsi ilə əlaqəli zəruri olan müəyyən əməliyyatlara icazə verən ümumi lisenziyanı da yeniləyib. Yenilənmiş lisenziya bu sahədə "Rossiya Seqodnya" və "TV-Novosti" ilə əməliyyatları istisna edir.
