Bakının Nəsimi rayonunda, 5-ci mikrorayon, Asif Məhərrəmov küçəsi, 46 ünvanını qurd basıb.
Lim10.az xəbər verir ki, bununla bağlı videogörüntü sosial şəbəkədə paylaşılıb.
"Binamızın qarşısındakı ağacları qurd basıb. Çöldə gəzə bilmirik, uşaqları həyətə buraxmağa qorxuruq. Dəfələrlə aidiyyəti üzrə müraciət etmişik, amma gəlib baxan və maraqlanan yoxdur", - deyə sakin qeyd edib.
Məsələ ilə bağlı Bakı Şəhər Yaşıllaşdırma Təsərrüfatı Birliyinə sorğu ünvanladıq.
Qurumdan Lim10.az-ın sorğusuna cavab olaraq bildirildi ki, məsələ ilə bağlı tədbir görülüb.
"Bir neçə gün bundan əvvəl Nəsimi rayonu ərazisində ağacları qurd basması qeydə alınıb. Həmin məsələ ilə bağlı birliyin əməkdaşları 5-ci mikrorayon, Asif Məhərrəmov küçəsində olublar və həmin ağaclar artıq dezinfeksiya edilib", - deyə açıqlamada vurğulanıb.
Əzizə İsmayılova
