"ABŞ-nin keçmiş prezidenti və Respublikaçılar Partiyasından prezidentliyə namizəd Donald Tramp hazırkı prezidentlik yarışında məğlub olarsa, 2028-ci ildə keçiriləcək növbəti seçkidə yenidən seçilmək üçün namizədliyini irəli sürməyəcək".
Lim10.az xəbər verir ki, o, bu barədə "Full Measure" verilişinin efirində bildirib.
"Xeyr, namizədliyimi irəli sürməyəcəyəm. Ancaq ümid edirəm ki, uğur qazanacağıq", - deyə respublikaçı müvafiq suala cavab verib.
Xatırladaq ki, ABŞ-də prezident seçkisi noyabrın 5-də keçiriləcək. Demokratlar Partiyasının hazırkı prezident Co Bayden tərəfindən təmsil olunacağı güman edilirdi, lakin iyulun 21-də Trampla iyun debatındakı biabırçı çıxışından sonra o, yarışı tərk etmək qərarına gəlib və vitse-prezident Kamala Harrisin prezidentliyə namizədliyini dəstəkləyib. Avqust ayında o, Demokratların prezidentliyə namizədi olub.
