Bütün bədəni yanan körpənin anası fəryad edir: “Ağrılarına görə bütün günü ağlayır” - FOTO
11 aylıq Mirzağanın sizin yardımınıza ehtiyacı var.
Bu barədə Lim10.az-a onun anası Yeganə Hüseynova məlumat yayıb.
O bildirib ki, övladı keçən il noyabrın 13-də yanıb.
“Mirzağa 8 aylıq olarkən dəm çaynikinin partlaması nəticəsində bədəninin böyük hissəsi yanıb. Həmin gün biz Bakıda yerləşən xəstəxanalardan birinə yollandıq. Bir aydan çox orada müalicə aldıq. Hazırda övladımın müalicəsini evdə davam etdirməliyik. Amma bunun üçün imkanımız yoxdur. Mirzağanın müalicəsi üçün 1 000 manata ehtiyacımız var. İnanın, ağrılarına görə nə normal yuxu yata bilir, nə normal yemək yeyə bilir. Demək olar ki, bütün günü ağlayır. Yardımsevər şəxslərdən bizə dəstək olmalarını xahiş edirəm”.
Ailə ilə əlaqə: (070) 330-99-79.
Kapital Bank: 4169 7388 2087 6575.
