"Azərbaycan tərəfinin müvafiq qərar qəbul edərək, sərhədi tezliklə açmasını alqışlayarıq”.
Bu sözləri Gürcüstanın xarici işlər naziri İlya Darçiaşvili hökumətin iclası başa çatdıqdan sonra jurnalistlərin sualına cavab olaraq deyib.
O, Azərbaycanın quru sərhədləri hansı səbəbdən bağlı saxladığını bilmədyini deyib: “Biz təbii ki, turizmin daha da inkişafı üçün sərhədlərin tam açılmasını alqışlayırıq. Qonşu və strateji tərəfdaş ölkəmizdən çoxlu qonaqlarımız olub və biz bunun gələcəkdə də davam etməsini istəyirik. Onların sərhədlə bağlı konkret arqumentləri var, bu, təkcə Gürcüstana aid deyil. Burada çoxlu nüanslar var, mən Azərbaycan tərəfinin mövqeləri barədə danışmaq istəmirəm. Biz bilirik ki, sərhədlərin bağlanması səbəblərindən biri covid-19 idi, o zaman təhlükəsizlik baxımından bölgədə vəziyyətin necə inkişaf etdiyini bilirsiniz. İndi isə Azərbaycan tərəfi qərar qəbul edərlərsə, biz onları alqışlayırıq və onların vətəndaşlarının Gürcüstana gəlməsi daha da asan olar”, - deyə Darçiaşvili bildirib.
