Dünyada qızılın qiyməti kəskin qalxır və bəzi müstəqil iqtisadçılar bunu heç də yaxşı əlamət saymırlar. Aprelin 12-də qızılın qiyməti tarixdə ilk dəfə 1 unsiya (31.1 qram) üçün 2 min 400 ABŞ dollarını ötüb. Son altı ayda onun qiyməti 25 faiz artıb.
Azərbaycan Dövlət Statistika Komitəsi bildirir ki, 2024-cü ilin martında 2023-cü ilin eyni dövrü ilə müqayisədə inflyasiya 0,4 faiz olub.
Komitənin vurğulamasına görə, hesabat dövründə qida məhsulları, içkilər və tütün məmulatları 1,1 faiz ucuzlaşıb. Qeyri-qida məhsullarının 1,1, əhaliyə göstərilmiş ödənişli xidmətlərin isə 2,2 faiz bahalaşdığı açıqlanıb.