Rusiya tezliklə sursat defisiti yaşaya bilər

6 Dekabr 23:42

ABŞ Milli Kəşfiyyatın direktoru Avril Hayns bildirib ki, Rusiya ordusu Ukraynada döyüş sursatını Rusiya müdafiə sənayesinin istehsal tezliyindən daha sürətlə sərf edir, NBC News yazır.

“Mən sizə dəqiq göstəriciləri deyə biləcəyimi düşünmürəm. Lakin Rusiyanın sursat sərfiyyatı olduqca sürətlidir. Demək istəyirəm ki, bu, həqiqətən də qeyri-adidir. Biz inanırıq ki, onlar bu mərhələdə xərclədiklərinin yerini müstəqil şəkildə istehsal edib, doldurmaq iqtidarında deyillər. Ona görə də bu, çətin iş olacaq”, - Haynes Kaliforniyada keçirilən forumda deyib.

ABŞ kəşfiyyatı hesab edir ki, sursat istehlakının bu qədər zəif sürəti Rusiya hakimiyyətini Şimali Koreya və İran da daxil olmaqla digər ölkələrdən hərbi yardım almağa vadar edir.

Pentaqon noyabrda bildirmişdi ki, Rusiya qoşunları Ukraynadakı müharibə zamanı gündə 20 minə qədər artilleriya atəşi açır.

ABŞ Milli Kəşfiyyatının direktoru Avril Hayns hesab edir ki, yaxın aylarda Ukraynada hərbi əməliyyatların tempi azalacaq. Onun fikrincə, Rusiya və Ukrayna qışdan sonra əks-hücum üçün resurslar hazırlayacaq. Əksinə, Müharibənin Tədqiqi İnstitutunun analitikləri əmindirlər ki, qışın gəlməsi ilə Ukraynanın şərqində hava şəraiti hərbi əməliyyatların sürətini artırmaq üçün daha əlverişli olacaq.