Təzə tərəvəzlərin təbii faydalarından yararlanmaq üçün onları aldıqdan sonra düzgün şəkildə yumaq lazımdır. Bazardan alınan tərəvəzlərin səthinə bakteriyalar və mikroorqanizmlər yığışa bilər.
Lim10.az-ın "Haber Global"a istinadla verdiyi məlumata görə, mütəxəssislər çirklənmiş tərəvəzləri yumaq və ən sağlam şəkildə istehlak etmək üçün bir neçə təbii üsul tövsiyə ediblər.
Sodalı su ilə yuma
Tərəvəzlərin səthindəki mikroorqanizmləri və bakteriyaları təmizləmək üçün onları sodalı suda saxlaya bilərsiniz.
Təbii təmizləyici vasitə olan soda bakteriyaları aradan qaldırmağa kömək edir. Eyni zamanda, soda kimyəvi maddələrin tərəvəz səthindən təmizlənməsinə də yardımçı olur.
Limon üsulu
Limonun turşulu tərkibi səth bakteriyalarının və mikroorqanizmlərin məhv edilməsinə kömək edir. Tərəvəzləri limonlu buzlu suda 15 dəqiqə saxlamaq onların tərkibindəki bakteriyaları təmizləyəcək.
Duzlu suda saxlama
Duzun aşındırıcı xüsusiyyəti tərəvəzlərin səthindəki bakteriya və mikroorqanizmləri aradan qaldırır. Tərəvəzləri isti duzlu suda 30 dəqiqə saxlayaraq tərkibindəki mikroorqanizmləri təmizləyə bilərsiniz.
