ABŞ Prezidenti Donald Tramp ştatda təhlükəsizlikdə olanda Milli Qvardiyanı Kaliforniyadan çıxaracağını söyləyib.
Lim10.az xəbər verir ki, Amerika lideri kaliforniyada Milli Qvardiyanın nə qədər qalacağı barədə müxbirlərin sualına belə cavab verib.
"Təhlükə keçməyincə qalacaqlar... Təhlükə bitəndə isə çıxıb gedəcəklər", - Tramp bildirib.
İyun ayının əvvəlində ABŞ-ın Miqrasiya və Gömrük Mühafizəsi (ICE) tərəfindən Los-Anceles şəhərinin mərkəzində qanunsuz miqrantların müəyyən edilməsi məqsədilə keçirilən basqın etirazçılarla toqquşmalara çevrilib. Ağ Evin nümayəndələri şəhərdəki etirazları "qanuna qarşı üsyan" hesab ediblər. Bundan sonra Kaliforniya Milli Qvardiyası Los-Ancelesə gəlib. Şəhər mərkəzində federal binanın kənarında təxminən on iki Milli Qvardiya görülüb. Burada immiqrasiya basqınları zamanı saxlanılanlar olub.
Etirazlar iyunun 6-da başlayıb və bu günə qədər davam edir. Hər gün etirazlar daha da aqressivləşir.
ABŞ prezidenti Donald Tramp, Kaliforniya qubernatoru Qavin Nevsomun çağırışlarına baxmayaraq, etirazçıları dağıtmaq üçün şəhərə iki min Milli Qvardiya əsgəri göndərmək qərarına gəlib. İğtişaşlar qəsəbələrdən şəhər mərkəzinə yayılıb.
