Türkiyənin "Haber Global" telekanalı Prezident İlham Əliyevin Qazaxıstana dövlət səfəri ilə bağlı videomaterial hazırlayıb.
Lim10.az -ın məlumatına görə, süjetdə Azərbaycan və Qazaxıstan arasındakı münasibətlərə diqqət çəkilib.
Videomaterialda dövlət başçılarından sitatlar gətirilərək ölkələrarası münasibətlərin inkişaf perspektivlərindən bəhs olunub.
Kasım-Jomart Tokayevin Azərbaycan Prezidentinin güclü liderlik xüsusiyyətlərindən danışması xüsusilə vurğulanıb.
Süjetdə həmçinin dövlət başçılarının görüş zamanı 8 avqust Vaşinqton razılaşmasını da müzakirə etmələrinə toxunulub.
"Azərbaycan lideri Zəngəzur dəhlizinin 2028-ci ilin sonuna qədər açıla biləcəyini ifadə edib", - videomaterialda qeyd olunub.
Süjetdə İlham Əliyev ilə Kasım-Jomart Tokayevin "Orta dəhlizin inkişafı" (Transxəzər Beynəlxalq Nəqliyyat Marşrutu) birgə layihəsinin təqdimatında iştirak etmələri də vurğulanıb.
