ABŞ “Boz Qartal”ı Ukraynaya verəcək
Birləşmiş Ştatlar Ukraynaya çatdırılması üçün Hellfire raketləri ilə silahlanmış Grey Eagle MQ-1 C çoxməqsədli pilotsuz uçuş aparatını modifikasiya etməyi düşünür. Bu barədə CNN-ə ABŞ rəsmiləri arasından iki mənbə bildirib.
Kanalın məlumatına görə, dəyişikliklər “həssas texnologiyaları” ilə dronların mümkün itkisinin daha az təhlükəli olacağını göstərir. Bu cür modifikasiyalar bu silahların Ukraynaya göndərilməsi ehtimalını artıracaq.
Müsahibilərdən biri CNN-ə deyib ki, “xüsusi texniki düzəlişlər” edilə bilər, lakin bu cür dəyişikliklər mürəkkəbdir və vaxt aparır.
“Grey Eagle” (“Boz Qartal”) pilotsuz təyyarələri 30 saata qədər havada qala bilir və dörd Hellfire raketi daşıya bilir. Bundan əvvəl Ukrayna hakimiyyəti, eləcə də ABŞ Konqresinin nümayəndələri prezident Co Baydenin administrasiyasından cihazları Kiyevə ötürməyi xahiş etmişdilər. “The Wall Street Journal” mənbələrinin məlumatına görə, Pentaqon “Boz Qartal”ın təhvil verilməsinin münaqişənin genişlənməsinə gətirib çıxaracağı və pilotsuz təyyarələrdə istifadə olunan texnologiyaların oğurlanacağı qorxusuna görə bunları Ukraynaya verməkdən imtina edilmişdir.
