Sulutəpə qəsəbəsində həyətləri su basdı, küçələr KEÇİLMƏZ OLDU

Bu gün səhərdən yağan yağış Sulutəpə qəsəbəsində problem yaradıb.

Bununla bağlı Lim10.az-a sakinlər şikayət ünvanlayıblar.

Qeyd olunub ki, yağış küçələri keçilməz hala salıb.

"Yağış suyu az imiş kimi, qəsəbədə yerləşən 10 nömrəli məktəbin qarşısındakı kanalizasiya borusu da partlayıb. Valideynlər uşaqları məktəbdən götürə bilmirlər. Bundan əlavə, ətrafdakı həyətləri də su basıb. Çıxılmaz vəziyyətdəyik", - deyə şikayətdə qeyd olunur.

Qeyd edək ki, məsələ ilə bağlı aidiyyəti quruma sorğu ünvanlanıb.

Əzizə İsmayılova