Yer kürəsində maqnit qasırğası güclənib

Yerdəki maqnit qasırğası G2 səviyyəsinə qədər güclənib.

Lim10.az TASS-a istinadən xəbər verir ki, bu barədə Rusiyanın Tətbiqi Geofizika İnstitutundan məlumat verilib.

Daha əvvəl "Telegram" kanalında "Fobos" hava mərkəzinin aparıcı mütəxəssisi Mixail Leus Yerin geomaqnit sahəsində zəif pozğunluğun başladığını elan etmişdi.

Hazırda Yerin maqnit sahəsində pozulma dərəcəsi beş göstərici şkalasında G2 - "orta" səviyyəsinə çatıb. Bu şkalada G5 "son dərəcə güclü", G1 isə "zəif"dir.