Dörd illik fasilədən sonra Moskva-Tbilisi reysini yerinə yetirən Rusiyanın “Azimut” aviaşirkətinin təyyarəsi Vnukovo hava limanından birbaşa uçuş həyata keçirib.
Təyyarə saat 13:30 radələrində Tbilisiyə eniş edib.
Eyni zamanda hava limanının qarşısında bir qrup vətəndaş uçuşların bərpasına etiraz edərək əllərində "Rusiyaya yox" şuarları yazılmış plakatlar tutublar.
Rusiya təyyarəsinin eniş etdiyi Tbilisi Beynəlxalq Hava Limanında xüsusi təhlükəsizlik tədbirləri görülüb və əraziyə çox sayda polis səfərbər edilib.
