Azərbaycanxarici işlər naziri Ceyhun Bayramov Vatikana rəsmi səfəri çərçivəsində Müqəddəs Taxt-Tacın dövlət və beynəlxalq təşkilatlar üzrə katibi arxiyepiskop Riçard Qallager ilə görüşüb.
Lim10.az xəbər verir ki, bu barədə Azərbaycan Xarici İşlər Nazirliyi məlumat yayıb.
Görüşdə Azərbaycan Respublikası ilə Müqəddəs Taxt arasında ikitərəfli münasibətlərin mövcud vəziyyəti və inkişaf perspektivləri, regional və beynəlxalq məsələlər, habelə beynəlxalq platformalar çərçivəsində əməkdaşlıq imkanları müzakirə olunub.
Azərbaycan və Müqəddəs Taxt-Tac arasında əməkdaşlıq əlaqələrinin daha da dərinləşdirilməsi naminə son zamanlar yüksək səviyyəli səfərlərin artan dinamikasının qorunub saxlanılmasının vacibliyi diqqətə çatdırılıb. Bu çərçivədə, Azərbaycan Prezidentinin Vatikana rəsmi səfərləri, Birinci vitse-prezident Mehriban Əliyevanın cari ilin oktyabr ayında Müqəddəs Taxt-Taca baş tutmuş səfəri və səfər çərçivəsində həyata keçirilmiş görüşlərin və tədbirlərin əhəmiyyəti vurğulanıb.
Mehriban Əliyevanın təşəbbüsü və Heydər Əliyev Fondunun dəstəyi ilə Müqəddəs Taxt-Tacda indiyədək həyata keçirilmiş və gələcəkdə icrası planlaşdırılan humanitar xarakterli mühafizə və bərpa layihələri məmnunluqla xatırlanıb. Mehriban xanım Əliyevanın Vatikana səfəri zamanı Avropanın ən böyük pediatrik xəstəxanası və tədqiqat mərkəzi olan "Bambino Gesu"nu ziyarəti və ölkəmizlə bu sahədə əməkdaşlıq əlaqələrinin əhəmiyyəti qeyd olunub.
Bununla yanaşı, Papa II İoann Pavelin 2002-ci ildə, Papa Fransisin 2016-cı ildə ölkəmizə səfərləri, Bakıda II İoann Pavelin şərəfinə tikiləcək katolik kilsəsinin yerləşəcəyi ərazinin təqdisetmə mərasimi və hal-hazırda kilsənin tikilməsi məmnunluqla xatırlanıb.
2027-ci ildə qeyd ediləcək diplomatik münasibətlərin təsis edilməsinin 35 illiyinin münasibətlərin inkişafına əlavə təkan verəcəyinə əminlik ifadə olunub.
Azərbaycanın dini tolerantlıq, mədəniyyətlərarası və etiqadlararası dialoq sahəsindəki uğurları, ölkəmizdə xristian məbədləri də daxil olmaqla, dini abidələrin bərpası və qorunması üzrə görülən işlər haqqında danışılıb.
Azərbaycanın müxtəlif din və mədəniyyətlərin bir arada yaşadığı ölkə kimi apardığı uğurlu siyasətin beynəlxalq sülhə və anlaşmaya töhfəsi qeyd edilib.
Bununla yanaşı, qlobal iqlim dəyişmələrindən narahatlıq ifadə olunub, ölkəmizin COP29 sədri olaraq gördüyü işlər və təşəbbüsləri barədə qarşı tərəfə məlumat verilib. Bununla yanaşı, ölkəmizin enerji təhlükəsizliyinə töhfəsi, nəqliyyat dəhlizlərinin inkişafında rolu, Orta Asiya ölkələri ilə əlaqələr barədə fikir mübadiləsi aparılıb.
Nazir görüş zamanı qarşı tərəfə Azərbaycan-Ermənistan normallaşma prosesi, tarixi Vaşinqton Zirvəsi zamanı əldə edilmiş razılaşmalar və onların icrası istiqamətində həyata keçirilən əməli tədbirlər, münaqişədən sonra regionumuzdakı inkişaflar barədə ətraflı məlumat verib.
Görüşdə həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.
***
Azərbaycanın xarici işlər naziri Ceyhun Bayramov Vatikana rəsmi səfəri çərçivəsində Müqəddəs Taxt-Tacın Dövlətlər və Beynəlxalq Təşkilatlarla Əlaqələr üzrə katibi arxiyepiskop Pol Riçard Qallaher ilə görüşüb.
Lim10.az xəbər verir ki, bu barədə Xarici İşlər Nazirliyi məlumat yayıb.
Tərəflər inkişaf etməkdə olan Azərbaycan–Vatikan münasibətlərini nəzərdən keçirərək, konstruktiv dialoqu, qarşılıqlı hörməti və dinlərarası anlaşma ilə qlobal sülh təşəbbüslərinin təşviqi sahəsində fəal əməkdaşlığı məmnunluqla qeyd ediblər.
Siyasi dialoqun daha da gücləndirilməsi, mədəni və humanitar əlaqələrin genişləndirilməsi, eləcə də birgə beynəlxalq layihələrin irəlilədilməsi baxımından yüksək səviyyəli təmasların davam etdirilməsinin əhəmiyyəti vurğulanıb.
Görüşdə Heydər Əliyev Fondunun dəstəyi ilə Vatikanda həyata keçirilmiş mühüm bərpa və mühafizə layihələri də müzakirə olunub və bu təşəbbüslər dünya dini və mədəni irsinin qorunmasına əhəmiyyətli töhfə kimi qiymətləndirilib.
Azərbaycanın həm ölkə daxilində, həm də qlobal miqyasda dini abidələrin qorunması və multikulturalizmin təşviqinə dair uzunmüddətli öhdəliyi xüsusi qeyd edilib. Həmçinin Azərbaycan–Ermənistan normallaşma prosesi, Vaşinqton Sammitinin tarixi razılaşmalarının icrası, eləcə də işğaldan azad edilmiş ərazilərdə aparılan bərpa-quruculuq işlərində əldə olunan irəliləyiş diqqət mərkəzində olub.
Ceyhun Bayramov, eyni zamanda, Müqəddəs Taxt-Tacın dövlət katibi Kardinal Pietro Parolin ilə görüşüb.
Görüş zamanı tərəflər Azərbaycan -Vatikan münasibətlərinin hazırkı vəziyyəti və gələcək perspektivlərini, eləcə də qarşılıqlı maraq doğuran regional və qlobal məsələləri müzakirə ediblər.
Müqəddəs Taxt-Tacla əlaqələrin inkişafına Azərbaycanın verdiyi əhəmiyyət vurğulanıb və son yüksək səviyyəli səfərlər qarşılıqlı anlaşmanın möhkəmləndirilməsinin əsas açarı kimi qeyd edilib.
Görüşdə Heydər Əliyev Fondu tərəfindən dəstəklənən qorunma və bərpa layihələri ilə təmin edilən humanitar əməkdaşlıq vurğulanıb.
Azərbaycanın çoxmədəniyyətli ənənələri və ərazilərimizdəki xristian abidələri də daxil olmaqla dini irsin qorunması vurğulanıb.
Nazir Ceyhun Bayramov həmkarına Azərbaycan-Azərbaycan münasibətlərinin normallaşma prosesi, tarixi Vaşinqton Zirvə görüşləri və onların həyata keçirilməsi, eləcə də azad edilmiş ərazilərimizdə münaqişədən sonrakı regional inkişaf və yenidənqurma səyləri barədə məlumat verib.
