Əliyev və Ərdoğan sabah Naxçıvanda görüşəcəklər
Türkiyə prezidenti Rəcəb Tayyib Ərdoğan sabah Naxçıvan Muxtar Respublikasına gələcək.
Bu barədə Türkiyə mətbuatı məlumat yayıb. Məlumata əsasən, Ərdoğan Azərbaycan prezidenti İlham Əliyevin dəvəti ilə Naxçıvana gəlir.
Bildirilir ki, səfər zamanı iki ölkə liderləri ikitərəfli və geniş tərkibdə danışıqlar aparacaqlar. Məlumata görə, görüşdə iki ölkə arasındakı əlaqələr, regional və beynəlxalq hadisələr müzakirə olunacaq. Danışıqlar zamanı İlham Əliyev və Rəcəb Tayyib Ərdoğan Azərbaycanın Qarabağda keçirdiyi əməliyyat və silahlı erməni birləşmələrinin tərksilah edilməsi prosesini də müzakirə edəcəklər.
Bundan əlavə, söhbət zamanı əsas müzakirələrdən Azərbaycan-Naxçıvan arasında Zəngəzur dəhlizi məsələsi də olacaq.
