Qazaxıstanda təxminən 50.000 sərnişin Yeni il gecəsini qatarlarda qeyd edəcək.
Lim10.az Qazaxıstan Dəmir Yolu mətbuat xidmətinə istinadən verdiyi məlumata görə, 1685 yük qatarı sürücüsü, 357 sərnişin qatarı sürücüsü və 698 manevr və təmir qatarı sürücüsü növbətçilik edəcək. Dəmir yolu stansiyalarında 122 bilet kassası açılacaq ki, bunlardan 40-ı 1 yanvar gecəsi açıq olacaq. Sərnişinləri 1600-dən çox konduktor müşayiət edəcək.
Stansiya növbətçiləri, məlumat masası işçiləri, dispetçerlər, yol montajçıları və digər mütəxəssislər bayram gecəsi boyunca xidmətlərini davam etdirəcəklər. Qeyd edilib ki, bir çox dəmir yolu işçisi üçün Yeni ili işdə qeyd etmək peşəkar ənənəyə çevrilib.
