"Mehnur" loqopedik reabilitasiya mərkəzində nələr baş verib?

3 Sentyabr 17:40

"Mehnur" loqopedik reabilitasiya mərkəzinin psixoloq və baxıcısı saxlanılıb.

Paytaxtın Nizami rayonunda reabilitasiya mərkəzində fiziki məhdudiyyətli uşaqlara qarşı işgəncə xarakterli  hərəkətlər edən mərkəzin psixoloqu Aytac Kazımlı və mərkəzin direktor köməkçisi vəzifəsində çalışan Səbinə Əliyarbəyli polis əməkdaşları tərəfindən saxlanılıb. Hadisə barədə polisə şikayəti əlil uşaqlardan birinin anası Səbinə Qasımova verib. 
Bu barədə DİN-in mətbuat xidmətinin şöbə rəisi Elşad Hacıyev bildirib.
Faktla bağlı Nizami RPİ-nin İstintaq Şöbəsində Cinayət Məcəlləsinin 133 (Əzab vermə) maddəsi ilə cinayət işi açılıb. 
İstintaq hərəkətləri davam etdirilir.