Gecə xəbərləri

15 Sentyabr 10:35

 Azərbaycan və Ermənistan çərşənbə günü, sentyabrın 14-də yerli vaxtla saat 20:00-da qüvvəyə minən atəşkəs imzalayıb. Ermənistan Müdafiə Nazirliyi atışmaların dayandırıldığını bildirsə də, hər hansı atəşkəs razılaşmasından bəhs etməyib.
***
 Dövlət Departamentinin sözçüsü Ned Prays bildirib ki, Ağ Ev və ABŞ Konqresi Rusiyaya qarşı yeni sanksiyalar üzərində işləyir. Onun sözlərinə görə, Rusiyanın terrorizmə sponsorluq edən ölkələr siyahısına daxil edilməsinə bənzər məhdudiyyətlərin tətbiqi yeni tədbir kimi qiymətləndirilir.
***
 Ümumdünya Səhiyyə Təşkilatının rəhbəri Tedros Qebreyesus bildirib ki, ötən həftə dünyada COVID-19-dan ölənlərin sayı 2020-ci ilin martından bəri ən aşağı səviyyəyə düşüb - 28% azalıb. Onun sözlərinə görə, yaxın gələcəkdə pandemiyanın sona çatması mümkündür.
***
 İsveçin baş naziri Maqdalena Anderson sağ blokun seçkilərdə qalib gəlməsindən sonra istefa verib. Seçkinin yekun nəticəsi səslərin təkrar hesablanmasından sonra təsdiqlənməlidir, bu, ölkə üçün standart prosedurdur.