Abşeron xəstəxanası vətəndaşı intihar vəziyyətinə gətirib - ŞİKAYƏT

Azər İsmayılovla və köməkçisi vətəndaşın problemininin həllini onun intihar etməsində görürlər? 

Abşeron rayon Qobu qəsəbəsi sakini ağır bronxit-asma xəstəsi, 3 uşaq atası Mirzəyev Rauf Adil oğlu intihar həddinə çatıb.

Vətəndaş redaksiyamıza göndərdiyi məktubda bildirir ki, 2020-ci ilin sentyabr ayında Qobu qəsəbəsində vəziyyətinin ağırlaşmasına görə sahə həkiminə müraciət edərək ilkin yardım edilməsini istəyib. Sahə həkimi Könül Ələsgərova Rauf Mirzəyevə kömək edə bilməyəcəyini, təcili yardım çağırmalı olduğunu deyib. Könül Ələsgərovanın bu sözünə Rauf Mirzəyev əsəbləşmiş və sahə həkimi ilə aralarında kiçik söz-söhbət yaranmışdır.

 Qeyd edək ki, Rauf Mirzəyevin ağır bronxit-asma xəstəsi olduğu üçün əsəb  sistemində ciddi problem yaranıb.

Şikayətçi bildirir ki, həmin söz-söhbətdən sonra o Könül Ələsgərovadan TƏBİB-ə şikayət edib və bundna sonra həyatları cəhənnəmə çevrilib. Belə ki, sahə həkimi Könül Ələsgərova müxtəlif vasitələrlə Rauf Mirzəyevə təzyiqlər edərək, ona çox ciddi əsəb sarsıntısı, mənəvi psixoloji problemlər yaradıb. Rauf Mirzəyev bildirir ki, Könül Ələsgərovadan şikayət etdikdən sonra sahə həkimi həftədə bir dəfə onların evinə zorla girərək, xəstə anasını və özünü müayinə edərək video çəkib. Bundan başqa Könül Ələsgərova Rauf Mirzəyevə bildirib ki, o xəstə deyil və buna görədə yenidən həkim komisiyasından keçməlidir. Aparılan yoxlamada Rauf Mirzəyevin ağır-asma bronxit olduğu üzə çıxıb. 

Vətəndaş qeyd edir ki, Könül Ələsgərova onlara qarşı etdiyi təzyiqlərdən bezərək aidiyyatı qurumlara, TƏBİB rəhbərliyinə şikayətlər etməyə başlayıb.

2023-cü ildə Abşeron Mərkəzi Xəstəxanasından bildirildi ki, Könül Ələsgərovanın yeri dəyişdirilib. Ancaq bir müddətdən sonra Könül xanım yenidən Qobu xəstəxanasında peyda olub. Rauf Mirzəyev iddia edir ki, Könül Ələsgərova Qobu xəstəxanasında yaxşı qazanc əldə etdiyi üçün qəsəbəni əldən vermək istəmir. Sahə həkimi ilə aralarında yaranmış problemlə bağlı Rauf Mirzəyev Abşeron rayon Mərkəzi Xəstəxanasının baş direktoru Azər İsmayılovun da qəbulunda olub. Rauf Mirzəyev bildirir ki, Azər İsmayılov və köməkçisi ona açıq şəkildə bildirdilər ki, problemin yeganə həlli sənin özünü öldürməyindir. Əgər özünü sahə həkiminə görə öldürsən, o zaman biz məcburən Könül Ələsgərovanı Qobu xəstəxanasından uzaqlaşdıracağıq. Onu da qeyd edək ki, vətəndaş Rauf Mirzəyev sahə həkimi Könül Ələsəgərova ilə ailəsi arasında yaranmış problemə görə bir neçə dəfə intihar etmək istəsə də, ailəsi tərəfindən bu cəhdin qarşısı alınıb.

Rauf Mirzəyev iddia edir ki, Könül Ələsgərovanın arxasında baş direktlor Azər İsmayılov dayanır. Çünki sahə həkimi mənə açıq dedi ki, Azər İsmayılova mənim tərəfimdədir və sən bu məsələdə tam gücsüz birisən. 

Hazırda psioloji vəziyyəti yaxşı olmayan və ciddi əsəb sarsıntısı keçirən Rauf Mirzəyev bildirir ki, Könül Ələsgərovaya görə intihar etmək istəyir. Çünki onun dəfələrlə etdiyi şikayətlərə TƏBİB rəhbərliyi və Azər İsmayılov baxmır.

Yazıda adı keçən şəxslərin mövqeyini dərc etməyə hazırıq./AzFakt.com/