Rusiyanın Rostov vilayətinin Proletarsk şəhərində dron hücumu nəticəsində sənaye anbarının yanmasından sonra fövqəladə vəziyyət rejimi tətbiq edilib.
Lim10.az-ın İzvestiya.ru-ya istinadən xəbərinə görə, bu barədə Proletarsk Rayon Administrasiyası məlumat verib.
"19 avqust 2024-cü il saat 00:00-dan Proletarsk rayonunun Proletar şəhər qəsəbəsi ərazisində fövqəladə vəziyyət rejimi tətbiq edilib", - deyə məlumatda bildirilib.
Administrasiya əlavə edib ki, dron hücumu nəticəsində 18 nəfər yaralanıb ki, onlardan beşinin vəziyyəti ağırdır. Qalan 13 nəfərin vəziyyəti qənaətbəxşdir.
Xatırladaq ki, daha öncə Belqorod və Kursk şəhərlərində müxtəlif səviyyələrdə fövqəladə vəziyyət rejimi tətbiq edilmişdi.
