"Rusiya Bakı və İrəvanı qarşılıqlı sərt ritorikadan çəkinməyə çağırır".
Lim10.az "Sputnik"ə istinadən xəbər verir ki, bu barədə çərşənbə günü həftəlik brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
"Qaçqınlar və müvəqqəti köçkünlər mövzusu hər iki tərəf üçün aktualdır. Bunu nəzərə alaraq, biz Bakı və İrəvan üçün bütün humanitar məsələlər, o cümlədən mədəni, tarixi, abidələrin qorunması ilə bağlı dialoqu aktivləşdirməyi faydalı hesab edirik", - Zaxarova bildirib.
Onun sözlərinə görə, insanların belə yanaşmaya böyük tələbatı var. Əgər bu məsələlərin həlli üçün Moskvanın cəlb edilməsinə ehtiyac varsa, o zaman Rusiya tərəfi buna hazırdır.
