ABŞ prezidentliyinə namizədlər Kamala Harris və Donald Trampın seçki kampaniyalarına ümumilikdə 14,7 milyard dollar xərclənib.
Lim10.az Bloomberg-ə istinadən bildirir ki, bu barədə ABŞ Federal Seçki Komissiyası məlumat yayıb.
Məlumata görə, bu vəsaitlərin böyük hissəsi reklama sərf edilib. Əsas diqqət 5 noyabrda seçkinin nəticəsini müəyyən edəcək "tərəddüd edən ştatlara" yönəlib.
Həmçinin Uoll-strit ulduzu Cim Rocers ABŞ-də prezident seçkisindən sonra dolların taleyi ilə bağlı narahatdır. İnvestor əmindir ki, nə Donald Trampın, nə də Kamala Harrisin milli valyutanın məzənnəsinə mənfi təsir göstərən ölkənin nəhəng dövlət borcu probleminin həllində maraqları var. Rocers hələ də çoxlu dollar saxladığını etiraf edib, lakin dövlət borcu vəziyyətində yaxşılaşma əlamətləri olmasa, valyutanı satmağa hazır olduğunu vurğulayıb.
