"Şuşaya daxil olanda teleqülləyə Azərbaycan bayrağını asmaq mənə tapşırılmışdı. Çox həyəcan keçirirdim. Qülləyə çıxanda, aşağıya baxanda hətta özümü itirib qorxmuşdum. Ancaq bu, bir anlıq oldu. Özümü ələ alıb dırmaşdım və möhtəşəm Azərbaycan bayrağını teleqülləyə asdım".
Bu sözləri Bizim.Media-ya Vətən müharibəsi iştirakçısı, Qusarın Cağarqışlaq kənd sakini, 29 yaşlı Ceyhun Yəhyayev deyib.
Döyüş yolunu və tarixi epizodları xatırladan C.Yəhyayev qeyd edib ki, qalib ölkənin qalib vətəndaşı olmaq çox qürurludur.
