ABŞ-də keçirilən SEMA tüninq şousunda gücü 1000 at qüvvəsi olan xüsusi "Dodge Power Wagon" avtomobili təqdim edilib.
Lim10.az bu barədə Avto.ru-ya istinadən xəbər verir.
Yolsuzluq avtomobili beş avtomobilin hissələrindən yığılıb və kompressor sayəsində böyük güc əldə edən yeddilitrlik "Mopar Hellephant V8" mühərriki ilə təchiz edilib. Avtomobil diametri 37 düym olan dörd təkərə ötürməni təmin edən 8 pilləli avtomatik transmissiya ilə təchiz edilib.
Nəqliyyat vasitəsinin asqısı klirensi 83 millimetr artırıb, iki sıra oturacağı olan kabinənin arxasında ehtiyat təkər üçün bərkidici ilə yük platforması quraşdırılıb. Avtomobilin interyeri təbii dəri və zamşadan hazırlanıb. Başlıqsız iki oturacaq quraşdırılıb və avtomobil rəqəmsal cihaz paneli, müasir kondisioner və multimedia sistemləri ilə təchiz edilib.
Bildirilib ki, "Dodge Power Wagon" 2025-ci ilin yanvarında hərracda satılacaq. Satışdan əldə edilən vəsait xeyriyyəçiliyə yönəldiləcək.
