Türkiyədə bələdiyyə sədri saxlanıldı

Türkiyədə Beykoz bələdiyyəsinin sədri Alaattin Köseler tender saxtakarlığı cinayəti ilə bağlı aparılan istintaq çərçivəsində saxlanılıb.

Bu barədə Lim10.az "Haber Global"a istinadən xəbər verir.

Məlumata görə, Beykoz Respublika Baş Prokurorluğu Beykoz bələdiyyəsinin sədri Alaattin Köseler də daxil olmaqla, 4 şübhəli haqqında "Tenderin saxtalaşdırılması" ittihamı üzrə həbs qərarı çıxarıb.

Digər tərəfdən, 17 şübhəli barəsində də "Tenderin saxtalaşdırılması" və "Cinayət məqsədilə təşkilat yaratmaq, üzv olmaq və cinayət törətməyə kömək etmək" ittihamları ilə saxlanılma, həbs, axtarış və müsadirə qərarları çıxarılıb.

Təlimata uyğun olaraq, Köseler və digər 20 şübhəli İstanbul Regional Polis İdarəsinin Maliyyə Cinayətləri ilə Mübarizə Şöbəsinin qrupları tərəfindən nəzarət altına alınıb.

Beykoz bələdiyyəsində polis qruplarının axtarışları davam edir.