Avtomobilinizi yavaş-yavaş məhv edən gündəlik vərdişlər hansılardır?

Bəzi sürücülər gündəlik vərdişlərinin avtomobillərini necə yavaş-yavaş məhv etdiyinin fərqində olmurlar. Belə ki, bəzən zərərsiz görünən hərəkətlər belə əslində maşın hissələrinin güclü şəkildə aşınmasına, yanacaq sərfiyyatının artmasına və hətta ciddi nasazlıqlara səbəb olur.

Lim10.az-ın xəbərinə görə, bu barədə Pravda.ru nəşri yazıb.

Beləliklə, avtomobilə zərər verən vərdişlər hansılardır?

1. Avtomobilin həddindən artıq yüklənməsi

Baqajda nə qədər çox əşya olarsa, avtomobilə bir o qədər çox ziyan verər. Həddindən artıq çəki asqının yükünü artırır, idarəetməni çətinləşdirir və daha çox yanacaq "yeyir". Əgər baqaj çoxdan lazımsız şeylər üçün saxlama anbarına çevrilibsə, o zaman onun içindəkiləri gözdən keçirməyin vaxtıdır.

2. Boş yanacaq çəni ilə maşın sürmək

Çəndə qalan yanacaq təkcə alətlər panelindəki rəqəmlər deyil. Benzin və ya dizel tükəndikdə, yanacaq nasosu çənin dibindən çöküntünü və kiri sovurmağa başlayır ki, bu da filtrlərə və yanacaqötürmə sisteminə zərər verə bilər. Ən yaxşısı, lampa yanana qədər gözləmək yerinə, əvvəlcədən yanacaq doldurmaqdır.

3. Ötürmələr qutusunun selektoruna dirsəklənmək

Əgər əliniz daim ötürmələr qutusunun selektorunun üzərindədirsə, o zaman bu vərdişi dəyişməyin vaxtıdır. Əlavə təzyiq səbəbindən ötürmələr qutusunun daxili hissələri daha tez köhnəlir və zaman keçdikcə ötürmə edən zaman xırıltı səsi eşidilə bilər.

4. Mühərriki işə saldıqdan dərhal sonra kəskin sürətlənmə

Mühərriki işə saldıqdan dərhal sonra kəskin sürətlənmə onun resursunu azaldır. Mühərrik qızana qədər yağ mühərrikin hissələrinin üzərində bərabər paylanmağa vaxt tapmır və bu da onların aşınmasını artırır. Optimal strategiya - kəskin sürətlənmədən əvvəl mühərrikin bir müddət zəif rejimdə işləməsinə imkan verməkdir.

Bu səhvlərdən qaçmaq avtomobilinizin daha uzun müddət xidmət etməsinə kömək edəcək, təmir və yanacaq xərclərini isə əhəmiyyətli dərəcədə azaldacaq.