Rubio Səudiyyə Ərəbistanında ABŞ və Ukrayna nümayəndələrinin görüşü barədə: "Zelenski olmayacaq"

"Volodimir Zelenski ABŞ nümayəndələri ilə Səudiyyə Ərəbistanında keçiriləcək görüşlərdə Ukrayna nümayəndə heyətinin tərkibində deyil".

Lim10.az-ın "RIA Novosti"yə istinadən xəbərinə görə, bu sözləri ABŞ dövlət katibi Marko Rubio Səudiyyə Ərəbistanına səfəri zamanı jurnalistlərlə söhbətində deyib.

"O, nümayəndə heyətinin bir hissəsi deyil. Demək istədiyim odur ki, o burada vəliəhd şahzadə ilə görüşür, amma onun görüşlərimizin bir hissəsi olacağını düşünmürəm. Bizim görüşlərimiz onların göndərdiyi nümayəndə heyəti ilədir: onların milli təhlükəsizlik müşaviri, müdafiə naziri və xarici işlər naziri", - deyə ABŞ dövlət katibi bildirib.

Eyni zamanda, Marko Rubio Zelenski ilə Səudiyyə Ərəbistanında qeyri-rəsmi söhbətin mümkünlüyünü də istisna etməyib.