ABŞ-nin Polşa vasitəsilə Ukraynaya silah tədarükü bərpa edildi

ABŞ-nin Ukraynaya hərbi yardımının Polşa ilə sərhəd yaxınlığındakı Jeşuv-Yasenka hava limanındakı logistika qovşağı vasitəsilə çatdırılması bərpa edilib.

Lim10.az-ın RBC.ru-ya istinadən xəbərinə görə, bu barədə Polşa Müdafiə Nazirliyinin rəis müavini Pavel Zalevski "X" hesabından məlumat verib.

"Yasenkadakı POLLOGHAB-dan Ukraynaya ABŞ silahlarının tədarükü bərpa edildi", - deyə o bildirib.

Qeyd edək ki, martın 4-də ABŞ Prezidenti Donald Tramp Ukraynaya hərbi yardımı dayandırmışdı. Bir həftə sonra - martın 11-də isə ABŞ və Ukrayna nümayəndə heyətləri Vaşinqtonun silah tədarükü və kəşfiyyat məlumatlarının mübadiləsi ilə bağlı fasilənin dərhal aradan qaldırılması barədə razılığa gəliblər.