Alimentlər gəlir vergisinə cəlb olunurmu?

23 May 10:01

 Neftçilərin Hüquqlarını Müdafiə Təşkilatına mütamadi olaraq suallar daxil olur ki, məhkəmə qərarı əsasında verilmiş və İcra vərəqi əsasında işçidən tutulan alimentlər gəlir vergisinə cəlb olunurmu?

Təşkilata müraciət edən şəxslər bildirirlər ki, idarə, müəssisə və təşkilatlarda məhkəmə qərarı əsasında onlarım xeyrinə tutulan alimentlərdən qanunsuz olaraq gəlir vergisi tutulur.

Həm bu sualla, həm də digər suallarla əlaqədar bildirmək istəyirik ki, ümumiyyətlə, idarə, müəssisə və təşkilatlarda elə mütəxəssislər var ki, qəsdən, bilərəkdən və ya bilməyərəkdən əmək münasibətlərində mövcud olan normativ hüquqi aktları özlərinə sərf edən formada şərh və tədbiq edirlər. Bununla əlaqədar bildiririk, elə normativ hüquqi aktlar da var ki, onlar çox sadə formada olur, onların tədbiqi üçün xüsusi şərhə ehtiyac olmur. Azərbaycan Respublikası Vergi Məcəlləsinin 102-ci maddəsinə əsasən: "Fiziki şəxslərdən tutulan alimentlər gəlir vergisindən azaddır" normativ hüquqi akt kimi.
Elə normativ hüquqi aktlar da var ki, başa düşülməsi və icrası mürəkkəbdir, icrası və ya tədbiqi ilə əlaqədar şərh isə yalnız səlahiyyətli dövlət orqanları tərəfindən verilə bilər.
İdarə, müəssisə və təşkilatlarda bu sahədə işləyən mütəxəssislərin əsas vəzifəsi isə ondan ibarətdir ki, qüvvədə olan normativ hüquqi aktları düzgün izah etməklə icra etsinlər, hətta, bu normativ hüquqi aktlar onların istəklərini təmin etməsə belə.
Azərbaycan Respublikası Vergi Məcəlləsinin 102.1-ci maddəsinə əsasən, fiziki şəxslərin aşağıdakı gəlirləri gəlir vergisindən azaddır.
Azərbaycan Respublikası Vergi Məcəlləsinin 102-ci maddəsinin şərhi və tədbiqi ilə əlaqədar hər hansı bir problem və ya mübahisə yoxdur. Bu səbəbdən də bütün idarə, müəssisə və təşkilatlarda Azərbaycan Respublikası Vergi Məcəlləsinin 102-ci maddəsi əsas tutulmaqla, fiziki şəxslərdən tutulan alimentlər gəlir vergisinə cəlb olunmamalıdır.

Azər Quliyev.