Almaniyanın Hamburq şəhərində Rusiyaya pilotsuz uçuş aparatlarının (PUA) hissələrini tədarük etməkdə təqsirləndirilən şəxslərin məhkəməsi başlayıb.
Lim10.az xəbər verir ki, təqsirləndirilən şəxslər 2022-ci ilin sentyabrından 2023-cü ilin noyabrına qədər Rusiyaya tətbiq olunan sanksiyalara məhəl qoymayaraq, hərbi PUA-ların yaradılmasında istifadə oluna bilən elektron komponentlər, o cümlədən diodlar, mikrosxemlər və tranzistorlar tədarük ediblər.
Tədarüklərin ümumi dəyəri təxminən 1.2 milyon avro təşkil edib.
Rusiyaya çatdırılmalar Ermənistan, Çin, Honkonq və BƏƏ vasitəsilə həyata keçirilib. Məhkəmə prosesi noyabrın sonuna qədər davam edəcək.(oxu.az)
