Ermənistanın birinci prezidenti Levon Ter-Petrosyan Rusiyanın Ermənistandakı səfiri Sergey Kopırkinlə regiondakı vəziyyəti müzakirə edib.
Lim10.az xəbər verir ki, bu barədə erməni mediası məlumat yayıb.
Görüş Ter-Petrosyanın malikanəsində baş tutub və bir saatdan çox davam edib. Tərəflər Ermənistan-Rusiya münasibətlərinin hazırkı vəziyyəti, eləcə də Cənubi Qafqazda uzunmüddətli sülh və sabitliyin bərqərar olmasının zəruriliyindən danışıblar.
“Birinci prezident Rusiyanın Cənubi Qafqazda mövcudluğunun fövqəladə zərurət olduğunu vurğulayıb. O bildirib ki, Ermənistanın etibarlı və səmimi dostları İran, Gürcüstan, Fransa, Yunanıstan, gələcəkdə isə Hindistan və Çindir”, - məlumatda qeyd edilib.
Xatırladaq ki, Ter-Petrosyanla Kopırkin sonuncu dəfə bu ilin fevralında görüşüb.(axar.az)
