İordan çayının qərbində Fələstin dövləti olmayacaq.
Lim10.az xəbər verir ki, bunu İsrailin baş naziri Benyamin Netanyahu Kanada, Böyük Britaniya və Avstraliyanın Fələstin dövlətini tanımasına cavab olaraq videomüraciətində deyib.
“Oktyabrın 7-dəki dəhşətli qırğından sonra Fələstin dövlətini tanıyan liderlərə açıq mesajım var: siz terrora böyük mükafat verirsiniz. Sizə daha bir mesajım var: bu baş verməyəcək. İordan çayının qərbində Fələstin dövləti olmayacaq. İllərlə həm ölkə daxilində, həm də beynəlxalq səviyyədə böyük təzyiqlərə baxmayaraq, bu dövlətin yaradılmasının qarşısını almışam. Biz bunu qətiyyətlə və siyasi müdrikliklə etdik. Bu vaxt biz İudeya və Samariyada yəhudi məskənlərini ikiqat artırdıq və bu kursu davam etdirəcəyik. Torpaqlarımızın mərkəzində bizə terror dövləti yeritmək cəhdinə cavab ABŞ-dən qayıtdıqdan sonra veriləcək. Gözləyin", - Netanyahu bəyan edib.
Mürtəza
