Belarus Ukraynaya hücum edə bilər

1 Sentyabr 17:42

Belarus, yəqin ki, təlimlər zamanı Ukraynanın bir hissəsinin ələ keçirilməsi məsələsini həll edəcək - Baş Qərargah

Sentyabrın 8-14-də Belarus hərbçiləri ilk dəfə olaraq “müvəqqəti olaraq işğal olunmuş ərazilərin azad edilməsi, əks-hücum əməliyyatının aparılması və dövlət sərhədinə çıxış” işini həyata keçirəcək. Təlimlərdə Rusiya hərbçiləri və KTMT ölkələri iştirak edəcək.

“Qeyd etmək istəyirəm ki, komanda-qərargah hazırlığı planına əsasən, şərti dövlətin itirilmiş ərazisinin bir hissəsinin azad edilməsi nəzərdə tutulur. İtirilmiş ərazi adlandırılan ərazinin Volın, Rivne və Jitomir vilayətlərinin sərhədyanı rayonlarına aid olduğu istisna edilmir”, - Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini Aleksey Qromov bildirib.

Qromov əlavə edib ki, bu cür planlar Ukrayna istiqamətində qondarma İttifaq dövlətinin (Rusiya və Belarusiya) ümumi fəaliyyət konsepsiyasına uyğundur.

“Belarus ərazisindən düşmənin hücumu və ya Belarus qoşunlarının Ukraynaya daxil olması ehtimalı aşağı olaraq qalır”, - deyə o, yekunlaşdırıb.