Sabirabadda tibb məntəqəsinin qamışdan olan tavanı yanıb
Sabirabad rayonunun Bala Həşimxanlı kəndində tibb məntəqəsi yanıb.
Bu barədə Fövqəladə Hallar Nazirliyindən (FHN) məlumat verilib.
Bildirilib ki, Səhiyyə Nazirliyinə məxsus ümumi sahəsi 50 kvadratmetr olan birmərtəbəli kənd tibb məntəqəsinin tavanının qamışdan ibarət örtüyü dörd kvadratmetr sahədə yanıb. Tibb məntəqəsinin qalan hissəsi yanğından mühafizə olunub.
Alov yanğından mühafizə bölmələri tərəfindən söndürülüb.
