Sutkanın əsas dünya xəbərləri
Avropa Birliyi ölkələri Rusiyaya qarşı yeni sanksiyalar hazırlamaq və Kiyevə silah tədarükünü artırmaq barədə razılığa gəlib. Yeni məhdudiyyətlər "Rusiya iqtisadiyyatının daha əhəmiyyətli sektorlarına yönəldiləcək və Ukraynadakı aqressiv müharibəyə cavabdeh olan insanları hədəfləməyə davam edəcək". Növbəti iclas oktyabr ayına planlaşdırılıb, sonra yeni sanksiyalar paketi təsdiqlənə bilər.
***
G7 ölkələrinin xarici işlər nazirləri Nyu-Yorkdakı görüşdə Ukraynanın dəstəyinin genişləndirilməsi sahəsində əməkdaşlığı təsdiqləyib, bu bunu Yaponiya xarici işlər naziri Esimasa Xayasi deyib. Onun sözlərinə görə, Yaponiya Rusiya şirkətlərinə qarşı ixrac sanksiyalarını genişləndirmək niyyətindədir.
***
Şimali Koreya Rusiyaya heç vaxt silah satmadığını bəyan edib. Ölkənin nümayəndələri həmçinin əlavə ediblər ki, ABŞ-ın silah satışı ilə bağlı “ehtiyatsız” xəbərləri onun imicinə xələl gətirmək cəhdidir. Bundan əvvəl ABŞ kəşfiyyatı Rusiyanın Şimali Koreyadan milyonlarla artilleriya mərmisi və raketi almağa başladığı barədə məlumat vermişdi.
***
ABŞ Prezidenti Co Bayden Rusiyanın BMT-nin üzvlüyünün əsas prinsiplərini pozduğunu bildirib. Bundan əlavə, o deyib: “Nüvə müharibəsi qələbə ilə bitə bilməz və heç vaxt baş verməməlidir”.
