Körpə Muradın atası: “Yaralarını bağlamağa bint tapmırıq” - FOTO

Körpə Muradın sizin dəstəyinizə ehtiyacı var.

Bu barədə Lim10.az-a onun atası Elnur Cəbrayılov məlumat verib.

O bildirib ki, övladı yanvarın 10-da yanıq xəsarəti alıb.

“Biz İsmayıllı rayonunda yaşayırıq. Muradın bir yaşı var. Yoldaşım yemək bişirib yerə qoyub, Murad isə iməkləyərək gedib qazanı üzərinə çəkib. Onun ayaqları tamamilə yanıb. Hadisə olan gün bizi Bakıda yerləşən xəstəxanalardan birinə göndərdilər. Orada 21 gün müalicə olundu. Artıq evimizə qayıtmışıq”.

Elnur Cəbrayılov övladının müalicəsi üçün dəstəyə ehtiyacları olduğunu bildirib.

“Mən illərdir fəhləlik edirəm. Bir neçə il əvvəl iş zamanı başıma gələn hadisə nəticəsində qolumu itirmişəm. Tək qolumla güc-bəla ilə işləyib ailəmi dolandırıram. İnanın, son günlərdə yarasına çəkməyə məlhəmimiz, bağlamağa bintimiz yoxdur. Vəziyyətimiz, inanın, çox ağırdır. Hazırda Muradın müalicəsi üçün 800 manata ehtiyacımız var”.

Ailə ilə əlaqə: (055) 720-21-54.

Kapital Bank: 4169 7388 0714 9426.