Rusiya yenidən Ukrayna limanlarını bağlayır

31 Oktyabr 10:21

Rusiyanın “taxıl müqaviləsi”ndən çıxmaq qərarından sonra Ukraynadan taxıl çıxarmalı olan 218 gəmi bloklanıb.

Bu barədə İnfrastruktur Nazirliyi məlumat yayıb.

“Bunlardan: artıq Ukrayna limanlarını tərk etmiş və son istehlakçıya göndərilməsini gözləyən 95 yüklü gəmi var. 101 gəmi Ukrayna limanlarına girişin yoxlanılmasını gözləyir, 22 yüklü gəmi Ukrayna limanlarını tərk etməyi gözləyir”, -  agentlik bildirib.

Qeyd edək ki, Rusiya Müdafiə Nazirliyi 29 oktyabrda Boyük Britaniya kəşfiyyatının Qara dəniz flotunun gəmilərinə terror təşkil etməsini səbəb gətirərək, Moskvanın "taxıl razılaşması"ndan birtərəfli qaydada çıxdığını elan etdib.