"Estoniya öz qoşunlarının Ukraynaya göndərilməsi məsələsini müzakirə etməyə hazırdır".
Bu sözləri "RBC-Ukrayna" nəşrinə müsahibəsində Estoniyanın Kiyevdəki səfiri Anneli Kolk deyib.
Onun sözlərinə görə, Ukraynaya hərbçilərin göndərilməsi Estoniya üçün qırmızı xətt deyil.
"Biz NATO və ya Avropa İttifaqından ümumi mövqe gözləyirik və bizim liderlərimiz, xüsusilə də Müdafiə Nazirliyini nəzərdə tuturam, bunu müzakirə edirlər və bu yaxınlarda dedilər ki, bizim üçün qeyri-mümkün heç nə yoxdur", - deyə Anneli Kolk qeyd edib.
Xatırladaq ki, daha əvvəl Estoniyanın müdafiə naziri Hanno Pevkur bildirmişdi ki, son iki ildə respublika əvvəlki 30 ildə olduğundan daha çox mərmi alıb.
