Rusiya Ukraynada atəşkəs təklifindən niyə narahat olduğunu açıqlayıb

"Rusiya istənilən şəkildə atəşkəsin hazırda çətin dövr keçirən Ukrayna qoşunlarının yenidən silahlanması üçün vaxt qazanacaqları ilə bağlı öz narahatlıqlarını ABŞ-yə çatdırıb".

Lim10.az TASS-a istinadla xəbər verir ki, bunu Rusiya prezidentinin köməkçisi Yuri Uşakov deyib.

"Biz Qərb və Kiyevin atəşkəs çağırışlarını hazırda çətin dövr keçirən Ukrayna qoşunlarına fasilə vermək cəhdi kimi qəbul edirik. Rusiya ordusu bütün istiqamətlərdə hücum edir. Bu vəziyyətdə biz bunu Ukrayna hərbçilərinə yenidən silahlanma və yenidən qruplaşma üçün müəyyən vaxt vermək cəhdi kimi qəbul edə bilərik", - deyə o əlavə edib.