Kevin Dürant Lebron Ceymsin uğurunu təkrarladı
36 yaşlı ulduz oyunçu və iki dəfə Milli Basketbol Assosiasiyasının (NBA) çempionu Kevin Dürant "Finiks Sanz" klubu üçün forvard mövqeyində çıxış edərək, 40 yaşlı "Los-Anceles Leykers" forvardı Lebron Ceymsin uğurunu təkrarlayıb.
Lim10.az championat.com-a istinadən xəbər verir ki, Dürant liqanın tarixində hər komandaya qarşı 40+ xal toplayan ikinci oyunçu olub.
O, bu nailiyyətə "Klivlend Kavalers" ilə oyundan sonra (123:112) nail olub. Bu oyun zamanı Kevin 42 xal toplayıb.
Əfsanəvi Kobi Brayant da NBA-də hər komandaya qarşı 40+ xal toplamışdı, lakin bütün karyerasını "Los-Anceles Leykers"də keçirdiyi üçün "Leykers"ə qarşı oynamamışdı.
