Avstraliyanın İrandakı keçmiş səfirinə sui-qəsd cəhdi edilib

Avstraliyanın İrandakı keçmiş səfiri Yan Biqqsə (Ian Biggs) qarşı sui-qəsd təşkil edilib.

"Azad İran" "Telegram" kanalının məlumatına görə, bu barədə Avstraliyanın SBS telekanalı İrandan sızdırılmış məhkəmə sənədlərinə istinadən xəbər verib.

Bildirilir ki, sui-qəsd cəhdi 2019-cu ildə olub. Sənədlərə əsasən Kamran adlı İran vətəndaşı əvvəlcə Avstraliyanın Tehrandakı səfirliyinə "Molotov kokteyli" ilə hücum edib, daha sonra isə Yan Biqqsi öldürmək niyyətində olub.

Kamran hücumdan əvvəl həbs edilib və 17 ay həbs cəzasına məhkum edilib, lakin 2020-ci ildə şərti azadlığa buraxılıb.