Niderland provayderləri çinli hakerlər qrupu "Salt Typhoon" tərəfindən kiberhücuma məruz qalıb.
Lim10.az xəbər verir ki, bu barədə Niderlandın Hərbi Kəşfiyyat və Təhlükəsizlik Xidməti (MİVD) məlumat yayıb.
Hədəf böyük telekommunikasiya provayderləri deyil, daha kiçik internet provayderləri və hostinq provayderləri olub.
Xidmətin məlumatına görə, cinayət əməlləri nəticəsində çinli hakerlər bu provayderlərə məxsus modemlərə giriş əldə ediblər. Eyni zamanda, hakerlər provayderlərin şəbəkələrinə daxil ola və şəxsi məlumatları oğurlaya bilməyiblər.
Kəşfiyyat xidməti əlavə edib ki, hücum mülki telekommunikasiya sektorunu hədəf alan çox böyük Çin kibercasusluq kampaniyasının bir hissəsidir.(oxu.az)
