Billi Eyliş məşhur filmdəki mahnısına görə “Grammy” mükafatına layiq görüldü - VİDEO
Los-Ancelesdə “Crypto.com Arena”da 66-cı dəfə musiqi mükafatlarının təqdimetmə mərasimi keçirilib.
Məlumata görə, ABŞ-li müğənni Billi Eylişin mahnısı “İlin ən yaxşı mahnısı” kimi “Grammy” mükafatına layiq görülüb. Əsas “Grammy” mükafatları Billi Eylişdən başqa, “Ən yaxşı yeni ifaçı” kimi tanınan Viktoriya Monet və “Flowers” mahnısına görə Mayli Sayrusa verilib. Teylor Svift isə “İlin albomu” mükafatını qazanıb.
Qeyd edək ki, Billi Aylişin “What Was I Made For” mahnısına görə “İlin mahnısı” kateqoriyasında “Grammy” mükafatını qazanıb. Mahnı Qreta Gerviqin “Barbie” filminin “soundtreck”idir. Yanvar ayında mahnıya “Ən yaxşı orijinal mahnı” nominasiyasında “Qızıl Qlobus” mükafatı verilib.
Mənbə: RBC
