İran polisinin daha 2 qadını qətlə yetirdiyi təsdiqləndi

26 Sentyabr 13:59

İran polisinin öldürdüyü daha iki qadının kimliyi bilindi

İran hökumətinin tətbiq etdiyi məcburi hicaba qarşı etiraz aksiyalarına qoşulan iki gənc qadının ölümü ilə bağlı yeni fakt açıqlanıb.

Təbrizli Aysan Mədənpəsənd və Mazəndəran əyalətinin Noşəhr şəhərindən olan Hənanə Kiyanın İranın hökumət qüvvələri tərəfindən qətlə yetirildiyi təsdiqini tapıb.

Aysan Mədənpərəst həbs edildikdən sonra polislər tərəfindən vəhşicəsinə döyülərək aldığı ağır xəsarətlər nəticəsində həyatını itirib.

Təhlükəsizlik qüvvələri Aysanın ailəsinə təzyiq göstərib və onun ölümünün təbii şəkildə baş verdiyi barədə məcburi açıqlama vermələrini tələb edib.

Hənanə Kiya isə sentyabrın 23-ü axşam saatlarında Noşəhrdə keçirilən dinc aksiyada xüsusi təyinatlı qüvvələrin açdığı atəş nəticəsində həlak olub.

Bu arada İranın hökumət qüvvələri tərəfindən kütləvi etirazlarda qətlə yetirilən güneyli gənc şairə Hədis Nəcəfi ilə bağlı həştəq dünya rekordu qırıb.