Armen Qriqoryan NATO-nun mənzil-qərargahında nələri deyib?
Caliber.Az-ın diplomatik dairələrdəki etibarlı mənbəsinin məlumatına görə, Ermənistan Təhlükəsizlik Şurasının katibi Armen Qriqoryan oktyabrın 3-də NATO-nun mənzil-qərargahında keçirilən görüşlərdə bunları deyib:
▪️ Azərbaycanın Ermənistana təcavüzü ilə Rusiya-Ukrayna müharibəsi arasında əlaqə var. Qərb Ukraynada demokratik dünya dəyərləri uğrunda mübarizə aparır və bu mənada Azərbaycanla Ermənistan arasındakı münaqişə əslində demokratiya ilə avtokratiya arasında qarşıdurmadır.
▪️ Erməni xalqı Avropa, Xristian sivilizasiyasının bir hissəsidir və Ermənistan özünü yalnız Qərbdə görür. Bu baxımdan hökumət cinsi azlıqların hüquqları məsələsinə xüsusi diqqət yetirir.
▪️ Biz Azərbaycanın təcavüzünün qarşısının alınmasında yalnız ABŞ-ın roluna ümid edirik. Nə Rusiya, nə də Aİ Ermənistan üçün Amerikanı əvəz edə bilməz. Çarlz Mişelin səyləri iflas etdi, AB dişsizdir.
▪️ Paşinyan hökumətinin Rusiya Federasiyası ilə münasibətlər formasında çox pis mirası var, lakin biz bu “mirası” məhv etmək istəyirik. Amma bunun üçün Ermənistana Qərbdən təminat lazımdır.
▪️ Cənubi Qafqazda Azərbaycan, Türkiyə və Rusiyanın maraqları üst-üstə düşür və Ermənistan hər üç ölkəyə qarşı mübarizədə Qərbin təbii müttəfiqidir.
▪️ Ermənistan xüsusilə Azərbaycanın 13 sentyabr "təcavüz"ündən sonra KTMT-dən çıxmaq barədə ciddi düşünür. Son sərhəd gərginliyi zamanı Ermənistan, hətta, ikitərəfli əsasda Rusiyadan kömək istəsə də, Moskva bundan imtina edib.
▪️ Reallıq ondan ibarətdir ki, Rusiya Azərbaycanın “Zəngəzur dəhlizi” diskursunu və nəticədə Ermənistan ərazisinin parçalanmasını dəstəkləyir. Moskva erməni demokratiyasını özü üçün təhlükə hesab edir və son vaxtlar minlərlə Rusiya vətəndaşının Ermənistana üz tutmasının səbəbi Ermənistanın əslində demokratik ölkə olmasıdır.
▪️ Biz hökumət daxilində Rusiya bazasının Ermənistandan çıxarılması ilə bağlı fəal müzakirələr aparırıq. Rusiya bazası, Rusiya xüsusi xidmət orqanlarının Ermənistan ərazisində yerləşən əməkdaşları barədə bütün məlumatlar artıq Qərb kəşfiyyatına verilib.
▪️ Biz başa düşürük ki, Ermənistan KTMT-də qaldığı halda, yüksək keyfiyyətli Amerika silahlarını ala bilməz.
▪️ Bizim ilkin məqsədimiz Azərbaycanla sərhəddə beynəlxalq müşahidə missiyasına nail olmaqdır: bir müddət sonra bu missiyanı genişləndirməyə çalışacağıq. Biz bu missiyanı Rusiyanın sülhməramlı kontingentinin “Dağlıq Qarabağ”dan çıxarılmasından sonra gələcəkdə yerləşdirmək istədiyimiz beynəlxalq sülhməramlı qüvvələrin özəyi kimi görürük.
▪️ Biz demokratik ölkə olaraq başa düşürük ki, İran orta əsr qaydaları ilə idarə olunan ölkədir, lakin Tehran Azərbaycan və Türkiyəyə qarşı mübarizədə Ermənistanın təbii müttəfiqidir
