Bakıda iki qadının xəsarət alması ilə nəticələnən yol-nəqliyyat hadisələri baş verib.
"Report" xəbər verir ki, ilk hadisə Suraxanıda qeydə alınıb.
İki avtomobilin toqquşması nəticəsində 1979-cu il təvəllüdlü Firuzə Fakir qızı Mühürova xəsarət alıb.
Digər qəza isə Xəzər rayonunda baş verib. Orada da iki avtomobilin toqquşması nəticəsində 1993-cü il təvəllüdlü Rəvanə Rəhman qızı Nəcəfova xəsarət alıb.
Hər iki yaralı xəstəxanaya çatdırılıb.
Faktlarla bağlı araşdırma aparılır.
