FED uçot dərəcəsini yenə qaldırdı

15 Dekabr 09:20

ABŞ Federal Ehtiyat Sistemi uçot faiz dərəcəsinə dair 2022-ci ilin son qərarını verdi.

ABŞ requlyatoru uçot faiz dərəcəsini 50 baza bəndi artırmaqla 4.50%-ə qaldırıb.

Qeyd edək ki, bu gün əksər iqtisadçılar konsensus olaraq ilin son iclasında faiz dərəcəsini 50 baza bəndi qaldıracağını proqnozlaşdırmışdı.

FED uçot faiz dərəcəsini 2022-ci ilin martından başlayaraq 0.25 faizdən 4.00%-ə qədər çatırmaqla ölkədə 40 ilin maksimumuna çatan inflyasiyanı cilovlamağı planlamışdır.

Ötən gün ABŞ Əmək Statistika Bürosu ölkədə noyabrda illik istehlak qiymətləri indeksinin 7.7 faizdən 7.1 faizə düşdüyünü açıqladı. Halbuki, bazar inflyasiyanın 7.3 faizə düşəcəyini gözlənilirdi. Bu o deməkdir ki, FED artıq inflyasiyaya qarşı tədbirdə nəticələr əldə edə bilib. Bu səbəbdən də artıq 4 iclasda ard-arda uçot faiz dərəcəsindədir 75 baza bəndi artım tempini sonlandıra və daha yumşaq artımlarla antiinflyasiya tədbirini həyata keçirə biləcəyi ehtimalları ortaya çıxır.

Bu iclasda veriləcək ən mühüm siqnal “dot plot” və resessiya ilə bağlı şərtlərdir ki, bunun investorlar tərəfindən necə dəyərləndirəcəyi maraqlıdır.